Regional İqtisadiyyat Tədqiqat Mərkəzi

Mərkəzə ictimai əsaslarla rəhbərlik İsfəndiyarova Ülkər Fizuli qızına həvalə edilmişdir.

Mərkəzin regionda iqtisadi və sosial elmlər üzrə elmi tədqiqatlar aparmaq, tədqiqat nəticəsində ortaya çıxan problem, təklif və tövsiyələri elmi mühit, dövlət və özəl sektor nümayəndələri ilə bölüşmək kimi fəaliyyət istiqamətləri mövcuddur.  Xüsusilə regionların dayanıqlı inkişafı və insan kapitalının yetişdirilməsi kimi əsas tədqiqat mövzuları məyyən edilmişdir.

UNEC Regional İqtisadiyyat Tədqiqat Mərkəzinin məqsədi ölkə regionlarının səmərəli və balanslı inkişafını təmin edən iqtisadi
siyasətin formalaşdırılmasına elmi-analitik dəstək verməkdir.

Əsas məqsədlər:

- Azərbaycan regionlarının iqtisadi potensialını öyrənmək və inkişaf istiqamətlərini müəyyənləşdirmək;
- Regional inkişaf və iqtisadi siyasət üzrə elmi tədqiqatlar aparmaq;
- Regionlararası iqtisadi fərqləri və balanssızlıqları təhlil edərək tövsiyələr hazırlamaq;
- Yerli və regional biznes mühitini, sənaye, kənd təsərrüfatı və xidmət sahələrinin inkişaf imkanlarını araşdırmaq;
- Dövlət və özəl sektor üçün regional iqtisadiyyat üzrə analitik hesabatlar və proqnozlar hazırlamaq;
- Regional inkişaf sahəsində beynəlxalq təcrübəni öyrənmək və tətbiq imkanlarını araşdırmaq.
- Regionlarda dayanıqlı inkişaf, məşğulluq və sosial rifahın yüksəldilməsi üçün elmi əsaslı yanaşmalar işləyib hazırlamaq.